Këngëtarja Rita Ora e cila ka pranuar gjithmonë origjinën e saj shqiptare, tre vite më pare u shpall ambasadore e nderit e Kosovës.
Ndërkohë kryeministri i Kosovës, Ramush Haradinaj i ndodhur në Londër për samitin BE-Ballkani Perëndimor, organizoi një darkë për të falënderuar këngëtaren shqiptare duke i dorëzuar si dhuratë “Hyjnesha në Fron’, të punuar në filigran.
“Përmbyllje e mirë e një dite pune konstruktive në Londër. Takim miqësor me kosovaren më të famshme, Rita Ora, që ngjyrave të flamurit tonë i ka dhënë shkëlqimin më të mirë. Rita përmes muzikës ka bërë më shumë se gjithë ne, e ka ndërkombëtarizuar Kosovën. Ambasadores së nderit, të shpallur sot e tri vite më parë, i dhurova Hyjneshën në Fron të gravuar në filigran për ta nderuar dhe për t’i përçuar mesazhin e gjithë shqiptarëve: Faleminderit që të kemi. Faleminderit që përkundër që preke majat e suksesit në botë, nuk i harrove rrënjët tua!”- ka shkruar kryeministri në postimin e tij./revistawho.com
