Trendet e flokëve ndryshojnë gjithmonë me kohën, njësoj si veshjet. Prej më shumë se një viti në mbarë botën po mbizotëron modeli i flokëve “bob” deri në gjatësinë e supeve, por siç duket pak nga pak vajzat duhet të heqin dorë edhe nga ky model. Trendet e fundit tregojnë se ka një rikthim të flokëve të gjatë, madje më e mira është që të jenë në të njëjtën gjatësi si të personazhit të njohur të kukullave, Rapunzel. Sigurisht që është e vështirë të arrihet i njëjti “look” si ai i kukullës së famshme, por disa personazhe të njohur gati ja kanë arritur. Si fillim ishin yjet e njohur botëror si Kim Kardashian dhe Kylie Jenner që na njohën me këtë trend, i cili po përhapet me shpejtësi në mbarë botën. Kemi vënë re qe dhe të famshmet shqiptare e kanë përqafuar këtë stil të ri, sepse duan të jenë në të njëtjtin hap me trendet botërore. Ndër të parat që e provoi ishte Ronela Hajati, e më pas të gjitha me radhë, Era Istrefi, Tayna, Balajrina, Morena Taraku, Tuna etj, provuan të ndiqnin këtë trend.
Sot është shumë e lehtë që “look-u” të ngjasojë sa më origjinalë falë parukeve apo “extension”, prandaj këto vajza të njohura u dukën shumë bukur edhe në këtë formë. /revistawho.com
