Bebe Rexha po eksperimenton goxha me pamjen e saj kohët e fundit. Pasi hoqi dorë nga flokët biond, këngëtarja vendosi t’i lyejë ngjyrë karrotë. Mesa duket Bebe ende nuk është e kënaqur me pamjen e saj dhe së fundmi i ka lyer flokët e kuqe flakë ndërsa pak fije përpara fytyrës ngjyrë të zeza. Të njëjtin model flokësh ka patur një vit më parë edhe Rina Balaj, e cila ka vendosur ta rikthejë në vëmendjen e fansave duke treguar kështu se ka qenë e para që e realizoi këtë model. “A s’është emocionuese kur ke mendimet e njëjta me Bebe Rexhën?”, shkruan Rina krah fotos së publikuar në Instastory. Megjithatë presim që Bebe sërish t’i ndryshojë flokët sepse kështu si e ka nisur duket se ekperimentet do të vazhdojnë.
