Duket sikur universi kishte një plan të vetin për t’i bashkuar. Historia e dashurisë mes Dua Lipës dhe aktorit britanik Callum Turner nuk ka nisur në një set filmi apo në një event glamuroz, por në një festë ditëlindjeje – dhe me një rastësi që do ta kishin zili edhe skenaristët më romantikë.
Në një intervistë për The Sunday Times, Turner tregoi për momentin e parë që e lidh me Dua-n:
“U ulëm pranë njëri-tjetrit dhe kuptuam që po lexonim të njëjtën libër, që është çmenduri. Quhet ‘Trust’ [nga Hernán Díaz], dhe unë sapo kisha mbaruar kapitullin e parë. Ia thashë dhe ajo më pa dhe më tha: ‘Edhe unë sapo kam mbaruar kapitullin e parë.’ Unë i thashë: ‘Pra jemi në të njëjtën faqe.’”
Sipas aktorit, gjithçka dukej si një skenë nga një film i vërtetë dashurie: një rastësi e bukur që shënoi fillimin e një lidhjeje që sot është kthyer në një histori të madhe. “Shenjat ishin aty që në fillim,” shtoi ai.
Thashethemet për romancën nisën në vitin 2024, kur dyshja u pa bashkë në premierën e serialit Masters of the Air. Vetëm pak javë më vonë, paparacët i kapën duke shkëmbyer puthje në Los Angeles, duke e bërë lidhjen publike.
Në dhjetor të po atij viti, çifti u fejua – dhe lajmin e bukur e ndau vetë Dua në qershor 2025. Prej asaj kohe, dyshja kanë zgjedhur ta mbajnë jetën e tyre personale sa më private, ndonëse ndjenja mes tyre duket e fortë dhe e sinqertë.
Një takim, një libër dhe dy zemra në të njëjtën faqe — kështu nisi një histori dashurie që sot frymëzon fansat në mbarë botën.
