Prej pak muajsh aktori italian Raul Bova është bërë baba për herë të tretë. Ai tashmë ka dhe një vajzë me emrin Luna, fryt i dashurisë së artistit me bukuroshen Rocio Munoz Morales. Për këtë arsye ai vendosi të marrë një pauzë nga puna për t’iu dedikuar vetëm familjes. Këtë aktori e deklaroi në fillim të këtij viti dhe e përsëriti në studion e emisionit “Verissimo” në Canale 5. “Në këtë moment gjërat më të rëndësishme janë jeta ime shpirtërore. Jam shumë i lumtur që kam tre fëmijë që kanë moshë të ndryshme nga njëri-tjetri. Secili prej tyre më jep një gëzim ndryshe”, ka thënë ylli i kinemasë italiane, shkruan “Vainty Fair”. Ai ka tre fëmijë, përkatësisht Lunën disa muajshe, dhe dy djem Alessandro e Francesco, 16 e 15 vjeç, nga martesa e tij e parë. Megjithatë artisti nuk ka hequr dorë përgjithmonë. Ai dëshiron të rikthehet me diçka shumë të madhe. “Derisa nuk do të ketë një shtysë të fortë, nuk do të jem në projekte të reja. Do ta bëj jo për paratë, por për zemrën”, është shprehur ai.