Justin dhe Hailey Bieber kanë njoftuar se janë në pritje të fëmijës së tyre të parë. Çifti e ka konfirmuar lajmin me një postim ku modelja shihet me një fustan nuseje dhe barkun e rrumbullakosur. Por rrjetet sociale, përveç komenteve për shtatzëninë e përfolur, e kanë kthyer vëmendjen edhe tek Selena Gomez, me të cilën Justin Bieber kishte një lidhje të dashur për fansat dhe shumë të stuhishme me disa ndarje e ribashkime.
Pavarësisht se Selena dhe Hailey kanë pranuar se janë mikesha duke lënë pas të shkuarën, Selena ende nuk ka bërë një deklaratë pas lajmit të shtatzënisë së modeles gjë që nuk pritej.
Ajo ka publikuar një postim në llogarinë e saj në Instagram ku tregon dashurinë për Benny Blanco, producentin muzikor me të cilin prej gjashtë muajsh është në një lidhje. Selena ndau një foto në Instagram Story, me duart e bashkuara dhe një unazë.
Kjo foto ka ngjallur kuriozitet të madh tek ndjekësit e saj, pasi vetëm pak orë më parë Justin Bieber, ish-i dashuri i Selenës dhe bashkëshortja e tij Hailey njoftuan në të njëjtën platformë se janë në pritje të fëmijës së tyre të parë.
