Reagon Ardit Gjebrea: Nuk bëra intervistë për të vënë drejtësi

Në një intervistë për ‘Shqiptarja.com’ Ardit Gjebrea ka sqaruar për të gjithë opinionin publik qëllimin e intervistës me Marjan Rrokun, duke treguar se qëllimi ka qenë thjesht intervista me dikë të dënuar me burgim të përjetshëm, por jo për të vënë drejtësi. “Ideja jonë ishte të intervistonim një të burgosur me burgim të përjetshëm. Thjesht, si jetojnë, çfarë mendojnë, emocionet, sigurisht krimet e kryera. Kishim disa në diskutim, por është zgjedhur Marjan Rroku, për shkak se krimi i tij ka tronditur opinionin në atë periudhë dhe se e kemi parë të arsyeshme të flasim me të. Pasi kemi marrë dhe miratimin e tij dhe lejen nga autoritet e burgut, ku jemi kontrolluar 4 apo 5 herë, kemi realizuar xhirimet brenda në burg. Sigurisht që ai është dënuar për një krim shumë të rëndë, prandaj është dënuar dhe me burgim përjetë. Mirëpo ju siguroj se edhe nëse do kishte një tjetër personazh të dënuar me burgim përjetë do të kishte reagime, kjo pasi do sillte reagimin e palës tjetër të dëmtuar, siç dhe ndodhi. Ne nuk bëmë intervistë për të bërë drejtësi. Ky nuk ka qenë qëllimi im të merrem me provat dhe të sjell reagimin e palëve, por thjesht të sjell një personazh të dënuar me burgim përjetë, në rubrikën 24 orë” – ka qenë deklarata e Gjebreas. Marjan Rroku ka pranuar për herë të parë krimin e dyfishtë në emisionin e Arditit dhe reagimet nga publiku kanë qenë të rënda. Ai ka tronditur Tiranën me krimin e bërë para 15 vitesh, ku ka vrarë një vajza 16-vjeçare dhe nënën e saj.