Pjesa më e madhe e këngëve të Bebe Rexhës janë bashkëpunime, të cilat kanë rezultuar mjaft të suksesshme. Mund të përmendim këtu bashkëpunimin me Florida Georgia Line, Louis Tomlinson, G-Eazy, Ne-Yo e shumë të tjerë. Por mesa duket një pjesë e publikut nuk e pëlqen që Bebe pjesën më të madhe të këtyre bashkëpunimeve i ka me repera. Kjo gjë e ka mërzitur këngëtaren me origjinë shqiptare dhe madje për këtë ka publikuar disa video në ‘Instagram’ ku ka shpjeguar gjithçka.
“Dua të them diçka që më mërzit, sepse më pyesin në ‘Twitter’, ‘pse bën bashkëpunime vetëm me reper?’. Sepse kështu dua. Edhe kur bëra ‘Meant to be’ në fillim edhe sot ndihem çuditshëm për të, nuk mund ta pranoj suksesin e këngës, sepse e gjitha është një muzikë ‘country’ , por po sikur të jesh ndryshe dhe të bësh diçka që nuk e bën askush tjetër. Unë nuk do jetoj kurrë brenda kutisë dhe sipas normave. Kështu bashkojuni lëvizjes ose largohuni”, – ka thënë Bebe Rexha. /revistawho.com
