Vëmendja e vazhdueshme mbi Fjorentinën, pas daljes nga “Big Brother” dhe marrëdhënia e komplikuar me Olsin, ka bërë që ish-banorja të reagojë ashpër. Ajo shprehet që është treguar shumë e urtë këto kohë, ndërkohë që flitej dhe komentohej për të.
“Kur të flisni për mua, mendohuni dy herë, sepse edhe pse kam qenë e urtë këtë kohë, nuk do të thotë që unë nuk di të bëhem dhe e keqe. Mos u mundoni të merrni vëmendje duke përmendur emrin tim, sepse vëmendjen që kam unë, s’e keni ju, gjithsesi respekte për të gjithë. Unë kam qenë, jam dhe do jem gjithmonë më lart se ju, sepse kjo jam unë… Një shprehje e vjetër thotë njerëzit le të flasin, karvani ecën përpara, në këtë rast po e ndërroj pak (Fjorentina) ecën përpara ju keni ngelur akoma në vend. Faleminderit që më shikoni e më përmendni kudo që unë të jem,” –shkruan Fjorentina.
Që pas daljes nga shtëpia, marrëdhënia e saj me Olsin ka qenë gjithmonë në qendër të vëmendjes. Ndonëse dyshja ka deklaruar që lidhja e tyre ka marrë fund, shpesh shfaqen në shoqërinë e njëri-tjetrit, duke na bërë të mendojmë që mes tyre mund të ketë një rikthim të mundshëm. /revistawho.com
https://www.instagram.com/p/BbNEwf8lk_z/
