Pasi u shfaq në një fotografi me Eugent Bushpepën duke bërë me duar simbolin e shqiponjës, ndaj Eleni Fouriera, shpërthyen komente nga më të ndryshmet. Jo vetëm mediat por edhe një pjesë e madhe e publikut thoshin se Eleni e kishte bërë këtë gjest për të hedhur idenë e “Shqipërisë së Madhe”. Megjithatë këngëtarja me origjinë shqiptare nuk i ka lënë pas këto komente dhe ka reaguar menjëherë.
Ajo ka thënë sërish se muzika është për të bashkuar dhe jo për të ndarë njerëzit e popujt. “Muzika është për të bashkuar, jo për të ndarë njerëzit, dhe prandaj jam këtu, nuk kam aspak lidhje me ato idetë nacionaliste që thuhet në media dhe disa njerëz më kanë akuzuar. Unë e dua shumë Greqinë dhe askush e asgjë nuk mund ta ndryshojë këtë. Le të shkojmë dhe të përfaqësojmë Qipron në mënyrën më të mirë të mundshme”, – ka shkruar Eleni në ‘Instagram’. Me siguri pas këtyre fjalëve dhe mediat greke ndoshta do të ndihen më të qeta. /revistawho.com
