Fedez ka thyer sot heshtjen pas skandalit të tradhtisë dhe i është përgjigjur ish-bashkëshortes së tij Chiara Ferragni pas zbulimeve të Fabrizio Corona. Fedez hedh poshtë deklaratat se ai ka dashur ta lërë Chiarën ditën e dasmës për tu arratisur me ish-të dashurën dhe e quan qesharake këtë ide.
“Ideja që mendova të lija gruan time ditën e dasmës për të ikur në anën tjetër të Italisë është thjesht qesharake”, shkruan reperi në Instagram. “Zgjodha Chiarën me bindje, e doja, u martova pa hezitim dhe ndërtuam një familje së bashku. Pavarësisht kontrasteve, ajo do të mbetet gjithmonë e rëndësishme për mua, sepse është nëna e fëmijëve të mi”.
E për të dashurën e tij të supozuar, Angelica Montini, reperi shkruan: “E takova Angelicën disa muaj para dasmës, u ndamë për t’u fokusuar në jetën tonë. U rilidha në një moment vështirësie personale, pa ndonjë plan të paramenduar, kur martesa tashmë ishte përballur me kriza të thella, të cilat nuk mund t’i zgjidhnim as pasi provuam. Kur Angelica vendosi t’i jepte fund lidhjes sonë, midis shumë gabimeve që bëra, ndava mendimet me Fabrizio dhe një mik të tyre të përbashkët. Një gjë e vogël në një moment dobësie dhe brishtësie, për të cilën paguaj pasojat, por hedh poshtë çdo teori konspiracioni apo manipulim”.
Pastaj Fedez pranon: “Unë u përpoqa ta mbaja këtë lajm në çdo mënyrë të mundshme, siç mund ta demonstroj lehtësisht. Lajme që më dëmtojnë edhe mua, do të theksoja. Unë nuk kam qenë kurrë shenjtor, por jeta jonë private nuk mund të bëhet pretekst për të ndërtuar rrëfime apo për të larguar vëmendjen nga gjëra të tjera. E gjithë kjo nuk po i bën mirë askujt, as Chiara-s, as mua, as njerëzve të tjerë të përfshirë”.
Së fundi, reperi, arrin në përfundimin se dëshiron të ndryshojë kurs: “Kam bërë një gabim, kam paguar, do të vazhdoj të paguaj, ndoshta kam mësuar. E di si funksionon kjo lojë: kam vite që jam pjesë e saj, tani mendoj për veten dhe fëmijët e mi. Të tjerat ua lë atyre që kanë nevojë për këtë lloj shfaqjeje. Për aq sa është e mundur, dua të zgjedh realitetin”.
