Rina Balaj prej javësh nuk është aktive në rrjete sociale dhe ditën e sotme pasi faqja e saj u aktivizua të gjithë vunë re se kishte një emër tjetër. Drejtuesit e ‘On Records’ e përdorën faqen për një artiste të re që është bërë pjesë e labelit të tyre, duke qenë se Rina ka vendosur të mos bashkëpunojë më me ta. Lajmin e ka konfirmuar vetë menaxheri Met Elshani, sipas të cilit Rina e ka lënë muzikën me dëshirën e saj dhe se faqja e ‘Instagram-it’ e reperes është pronë e ‘On Records’. “Po shoh shumë reagime nga fansat e Rinës, me këtë shkrim po ju njoftojmë se Rina me dëshirën e saj ka lënë muzikën dhe se nuk është pjesë e ‘On Records’. Sa i përket ‘Instagram-it’ është pronë e ‘On Records’ me kontratë. Faleminderit për mirëkuptimin”, ka shkruar Met Elshani në reagimin e tij.
Tashmë kjo deklaratë i ka konfuzuar më shumë fansat, pasi nuk dihet nëse Rina ka hequr dorë përfundimisht nga muzika apo do të jetë një shkëputje e përkohshme, por kjo gjë pritet të zbulohet së shpejti nga reperja ose të afërm të saj. /revistawho.com
