Ministria e Jashtme shqiptare konfirmon se deri më tani nuk ka asnjë shqiptar që të mund të jetë lënduar nga sulmet në Bruksel. Këshilltari i ministrit të jashtëm, Glevin Dervishi sqaron se “Nga Ambasada jonë në Bruksel informohemi se nuk ka të dhëna deri tani për shtetas shqiptar të lënduar nga sulmet e sotme terroriste në Bruksel”. Në reagimin e parë zyrtar të qeverisë shqiptare thuhet se “MPJ dënon sulmet terroriste që goditën sot Brukselin dhe shprehim solidaritetin me popullin dhe qeverinë belge në këto momente të vështira. Shqipëria qëndron krah autoriteteve belge në luftën kundër terrorizmit dhe ekstremizmit të dhunshëm”.
https://www.youtube.com/watch?v=iwrQlJ-zJzY
