Dy ditë më parë kudo qarkulloi lajmi se Rita Ora nuk do të merrte pjesë në koncertin e 10 vjetorit të Pavarësisë së Kosovës, sepse qeveria nuk mund të përballonte të gjitha shpenzimet për grupin që do të shoqëronte këngëtaren. Por e gjithë kjo ishte thjesht një supozim, sepse me anë të një postimi në ‘Instagram’, Rita Ora ka treguar se do jetë në Prishtinë në 17 shkurt. Këngëtarja ka postuar dizajnin e një bluze dhe ka shkruajtur: “Përshëndetje të gjithëve! Jam shumë e lumtur që do të jem me ju në 10 vjetorin e Pavarësisë së Kosovës në Prishtinë. Kjo është një bluzë të cilën e kam dizejnuar për këtë rast dhe shpresoj të mbetet një kujtim i mirë për të gjithë ne. Ju dua, Rita” /revistawho.com
