Këngëtarja Jonida Maliqi këtë vit do të përfaqësojë Shqipërinë në ‘Eurovision’ me këngën ‘Ktheju tokës’. Prej kohësh tashmë ajo ka filluar nga puna për një performancë sa më dinjitoze. Pak ditë më parë, Jonida zbuloi se për veshjen e saj do të kujdeset stilisti Ardi Asllani. Ndërkohë pak minuta më parë, Maliqi ka publikuar në ‘Instasory’ video të ndryshme, të cilët tregojnë që ajo është duke realizuar setin fotografik për të shoqëruar këngën. Mirëpo gjatë realizimit të setit me fotografen Edvina Meta, Jonidës i ka ndodhur një e papritur shumë e lezetshme dhe friksuese në të njëjtën kohë. Përpara i është shfaqur një bari me kopen e tij, por mesa duket një cjap është shkëputur dhe i ka shkuar shumë pranë Jonidës. Ajo është frikësuar, megjithatë e ka kaluar situatën plot humor.
Kujtojmë që këngëtarja do të jetë e pranishme në ‘Eurosong’ nga datat 14 deri në 18 maj në Izrael dhe do të ketë mbështetjen e shumë shqiptarëve në mbarë botën./revistawho.com
