Festoni ditët e ftohta të dimrit me pjatën e ngrohtë e me aromë fantastike të gjellës me mish viçi & panxhar. Ajo është e pasur në proteina, acid folik dhe vitamina K, C, B6 dhe B12. Shërbehet e nxehtë me gjethe të freskëta majdanozi ose kopre dhe mund të shoqërohet me salcë kosi.
Përbërësit
300 gr mish viçi (tul)
2 kokrra panxhar
1 rrepë
1 domate
1/2 lugë pelte domateje
1/2 spec i kuq
1 spec djegës
Pak lakër e grirë hollë
1 kërcell selino
1 karrotë e vogël
1 qepë e mesme
1 patate
2 thelpinj hudhre
Kripë
Piper
Vaj ulliri
Udhëzimet
Hapi 1Presim perimet në kube të vogla dhe mishin në kube të mëdha.
Hapi 2Në një tenxhere vendosim vaj ulliri dhe skuqim mishin.
Hapi 3E mbulojmë mishin e skuqur me 1 litër ujë.
Hapi 4Pas 30 minutash vendosim në tenxhere të gjithë përbërësit e mbetur, bashkë me kripën & piperin. Majdanozin dhe erëza të tjera i vendosim në fund.
Hapi 5E lëmë gjellën të ziejë në zjarr të ngadaltë, derisa të marrë shijen që duhet.
