Midhjet janë produkte fantastike të detit, sepse janë plot shije dhe shumë të lehta për t’u gatuar. Provoni t’i kombinoni me kus-kus, gjithashtu fantastik në shije. Receta përmban përbërës që janë burime të proteinave, vitaminës C, vitaminës B12, manganit dhe selenit.
Përbërësit
1 kg midhje
250 gr kus-kus
125 ml buljon peshku
1/2 gotë verë e bardhë
2 domate
1 spec djegës i kuq
1/2 spec jeshil
2 qepë të njoma
2 thelpinj hudhre
1 tufë majdanoz
70 ml vaj ulliri
Kripë
Piper
Udhëzimet
Hapi 1Vendosim në një tenxhere buljon peshku dhe e lëmë të marrë një valë.
Hapi 2E heqim nga zjarri dhe shtojmë kus-kus-in. E mbulojmë me qese mbështjellëse për ushqime dhe e lëmë të fryhet për 15 minuta.
Hapi 3Në një tenxhere vendosim qepën e grirë dhe hudhrat. Më pas shtojmë verën dhe midhjet, bashkë me guaskën. I lëmë për 15 minuta.
Hapi 4Pasi të jenë hapur midhjet, e vendosim masën bashkë me lëngun e krijuar te ena e kus-kus-it.
Hapi 5Shtojmë specat dhe domatet e grira në kube. Grijmë hollë majdanozin dhe e shtojmë në enë. Hedhim kripë dhe piper.
