Panettone, buka e ëmbël me origjinë italiane, është prej vitesh simbol i ditëve të Krishtlindjes e Vitit të Ri dhe përgatitet për t’u gëzuar me familjen dhe miqtë. Provoni aftësitë tuaja të pjekjes duke ndjekur hapat e recetës për një Panettone klasik e të lehtë, të mbushur me shije festive dhe fruta të ëmbla!
Përbërësit
Brumi i parë:
400 gr miell për panetone
200 ml ujë (28 gradë celcius)
60 gr gjalpë
15 gr maja
Brumi i dytë:
300 gr miell për panetone
125 gr gjalpë
150 gr të verdha vezësh
50 gr sheqer
5 gr kripë
200 gr rrush të thatë
125 gr fruta të thata
- Mund ta shoqëroni pranë pemës së Krishtlindjes me kakao të ngrohtë apo pije alkoolike.
Udhëzimet
Hapi 1Përgatisim brumin e parë. I vendosim të gjithë përbërësit së bashku në mikser dhe i godasim për 15 minuta në shpejtësinë e mesme.
Hapi 2E lëmë brumin të fryhet gjatë gjithë natës, për afërsisht 12 orë.
Hapi 3Nisim përgatitjen e brumit të dytë. Shtojmë të gjithë përbërësit në brumin e parë dhe i përziejmë mirë për 15 minuta në mikser.
Hapi 4E vendosim përzierjen e përfituar në format e panetones dhe e lëmë përsëri të fryhet për 6 orë në temperaturë të ngrohtë, ambienti.
Hapi 5E pjekim në temperaturë 170 gradë për 1 orë. Në momentin që e nxjerrim nga furra, duhet ta kthejmë patjetër përmbys, në mënyrë që të kullojë sa më mirë brumi.
