Pica vegjetariane është një pjatë shumë e shëndetshme, sepse ka shumë pak kolesterol dhe është burim i mirë i fibrës dietike, manganit dhe vitaminës C. Gatim i shpejtë dhe i lehtë, ku do t’ju shijojë shumë kombinimi i perimeve! Mënyrë perfekte për t’ua prezantuar dhe mësuar perimet fëmijëve të vegjël.

Përbërësit

Brumë pice

Salcë domateje

1 patëllxhan

1 kungull jeshil

1 domate e vogël

1/4 spec jeshil

1/4 spec i kuq

4 kërpudha Champignon

Disa gjethe borziloku

Disa gjethe majdanozi

2 gjethe sallatë jeshile

2 lugë gjellë vaj të aromatizuar

Udhëzimet

Hapi 1Hapim brumin e picës në një tavë me madhësi 30×40 cm dhe e pjekim në furrë për 5 minuta në temperaturën 200 gradë.

Hapi 2Ndërkohë marinojmë të gjitha perimet e prera në feta me vajin e aromatizuar dhe me pak kripë.

Hapi 3Vendosim në zjarr një tigan skare, presim sa të nxehet mirë dhe më pas kalojmë në të perimet për pak sekonda.

Hapi 4Hapim salcën e domates mbi brumin e picës, dhe vazhdojmë shtrojmë perimet e marinuara.

Hapi 5Shtojmë gjethet e borzilokut, majdanozit dhe sallatën e grirë.

Hapi 6E pjekim picën për 10 minuta në temperaturën 180 gradë.