Reçeli i ananasit është një bazë shumë e mirë salce, që kombinon shije të ëmbla dhe të tharta. Ai shërben gjithashtu si një shtresë fantastike për të shoqëruar mishin e pjekur të pulës, derrit apo dhe për produktet e peshkut.
Përbërësit
700 gr ananas i pastruar
200 gr sheqer
150 ml ujë
1 shkop kanellë
- Ju këshilloj të përdorni tiganin ose tenxheren tuaj më të madhe ose të thellë, pasi kështu gatimi do të krijojë më pak spërkatje dhe do ta mbani më pastër kuzhinën.
- Mund ta shërbeni reçelin të ngrohtë ose të ftohtë, dhe ta konservoni deri në 1 javë në frigorifer.
Udhëzimet
Hapi 1Fillimisht presim ananasin në feta dhe e lëmë mënjanë. Në një tenxhere hedhim sheqerin dhe e vendosim në zjarr.
Hapi 2Pasi të jetë karamelizuar sheqeri, shtojmë në tenxhere ananasin e prerë. I përziejmë bashkë përbërësit.
Hapi 3Shtojmë kanellë dhe ujë. Nëse është e nevojshme, vazhdojmë e ziejmë për 15 minuta duke e përzier.
