Pjata e rizotos me fruta deti jo vetëm që ka shumë shije, por dhe shumë vlera ushqyese! Receta përmban sasi të ulëta të sheqernave dhe ka përbërës të pasur me proteina, vitaminë B12, fosfor dhe mangan.
Përbërësit
300 gr oriz
300 gr lloje frutash deti (midhje, karkaleca, kallamarë, sepje)
Lëng peshku
1/2 gotë verë e bardhë
100 gr djathë Pecorino
50 ml vaj ulliri
2 domate
4 thelpinj hudhre
4 qepujka
1 spec djegës
1 tufë borzilok
Kripë
Piper
Udhëzimet
Hapi 1Pastrojmë frutat e detit. Kallamarët dhe sepjet i presim në rripa, ndërsa midhjet i lëmë siç janë. Karkalecave nuk ua heqim kokën, por vetëm bishtin dhe lëvoren e kurrizit, me të cilat do të përgatisim lëngun.
Hapi 2Në një tigan në zjarr hedhim një pjesë nga vaji i ullirit dhe skuqim qepët, hudhrat, specin djegës dhe shtojmë orizin.
Hapi 3I shuajmë me verë të bardhë dhe shtojmë domatet e prera në kubikë, lëngun e peshkut dhe lëngun e lëvoreve të karkalecave.
Hapi 4Pas 8 minutash shtojmë dhe frutat e detit. Vazhdojmë përsëri me hedhjen e lëngut për 5 minuta.
Hapi 5Shtojmë vajin e ullirit që mbeti, djathin Pecorino, borzilokun, kripën dhe piperin.
