Mollët dhe bananet kombinojnë njëra-tjetrën në mënyrë të përkryer dhe janë një mënyrë fantastike për t’i prezantuar fëmijëve të vegjël receta të shijshme me fruta. Përgatitja e salcës është shumë e thjeshtë dhe rezultati final është shumë i këndshëm për t’u shijuar me familjen.
Përbërësit
1 kg mollë
400 ml ujë
100 gr mjaltë
2 banane
2 shkopa kanellë
Udhëzimet
Hapi 1Pastrojmë mollët dhe bananet. I presim në copa të vogla.
Hapi 2I vendosim në një tenxhere dhe shtojmë mjaltin, kanellën dhe ujin.
Hapi 3I lëmë të ziejnë për 25 minuta, deri në momentin që shohim që molla është zier siç duhet.
Hapi 4E heqim tenxheren nga zjarri dhe e lëmë të ftohet.
Hapi 5Masën krijuar e kalojmë në blender. Në momentin që është krijuar një masë e njëtrajtshme, salca është gati për t’u shërbyer.
