Keni nevojë për një snack energjik gjatë ditëve që jeni në nxitim ose të zënë në punë? Receta e sandwich-it me pulë, bacon dhe sallatë rukola është perfekte! Është i lehtë për t’u përgatitur dhe me përbërës të thjeshtë e shumë të ushqyeshëm.
Përbërësit
Përbërësit e mbushjes:
200 gr fileto pule
50 gr djathë Parmigiano
Vaj ulliri
Pak sallatë e përzier ose rukola
Përbërësit e salcës:
1 bagetë (bukë)
50 gr bacon (Pançetë) i tymosur
50 gr domate të freskëta
Disa gjethe rukola
1/2 qepë e njomë
1 qepujkë
1 kastravec turshi
1 spec djegës turshi
3 lugë majonezë
1/2 lugë mustardë
Kripë, piper
1 tufë majdanoz
1 lëkurë limoni jeshil
Udhëzimet
Hapi 1Nisim me përgatitjen e salcës. Presim në kubikë domatet, qepët, qepujkën, kastravecin, specin djegës. Majdanozin e grijmë hollë, rukolën e copëtojmë në rripa dhe lëkurën e limonit (vetëm pjesën e gjelbër) e grijmë në rénde.
Hapi 2I përziejmë të gjithë përbërësit bashkë me majonezën, mustardën, kripën dhe piperin, derisa të krijohet një salcë kompakte.
Hapi 3Nisim me mbushjen e sandwich-it. Pjekim fillimisht fileton e pulës në tigan me pak vaj, kripë dhe piper. Më pas e presim në rripa të hollë.
Hapi 4Presim bukën bageta në 4-5 pjesë dhe secilën e ndajmë në mes, por pa ia shkëputur pjesët. I lyejmë me salcën e përgatitur më parë.
Hapi 5Vendosim në mesin e bukës fileton e pulës, djathin Parmigiano, bacon, fletët e sallatave ose rukolës. E spërkatim me pak vaj ulliri.
