Kjo pjatë me ngjyra të bukura është e freskët dhe shumë e shijshme! Ajo shërbehet si pjatë e parë, por mund të shijohet dhe si sallatë mes 2 personash ose si një aperitiv fantastik. Mund ta shoqëroni me feta kastraveci, bukë të thekur apo patate të prera hollë dhe të pjekura.
Përbërësit
300 gr fileto salmoni
1 lugë kafeje mustardë
Pak rukola dhe spinaq gjethevogël
1 limon
2 kastravecë turshi
1 qepë e njomë
50 ml vaj ulliri
Pak kripë
Pak piper
Udhëzimet
Hapi 1Presim salmonin në kube të vogla dhe e vendosim në një enë. Aty shtojmë qepën e grirë hollë, mustardën, kripën, piperin, vajin e ullirit, lëngun e limonit, kastravecët turshi të grirë hollë.
Hapi 2I përziejmë mirë dhe me kujdes.
Hapi 3I lëmë të marinohen për 15 minuta. Më pas i dekorojmë në pjatë, duke shtuar rukolën dhe spinaqin sipër. I hedhim pak kripë, limon dhe vaj ulliri për shije.
