Receta klasike e Tiramisù-së është një ëmbëlsirë elegante dhe e pasur italiane, e bërë me biskota të lehta dhe të ëmbla Savoiardi në gota të ngjyrosura me kafe, të shtruara me një krem të lehtë, mascarpone dhe pluhur kakao.
Përbërësit
2 vezë
100 gr sheqer
100 ml pana
250 gr mascarpone
150 gr Savoiardi/Ladyfingers (biskota per tiramisù)
100 ml kafe e përgatitur (Nescafe)
10 gr kakao pluhur
Udhëzimet
Hapi 1Vendosim në një enë vezët dhe sheqerin. I përziejmë me mikser dore derisa masa të fryhet e të bëhet homogjene e kremoze.
Hapi 2Në një enë tjetër vendosim panën dhe e pëziejmë pak me mikserin. E lëmë në frigorifer që të pushojë.
Hapi 3Marrim masën e përgatitur më parë me vezë dhe sheqer dhe i shtojmë maskarponen. E përziejmë me një spatul nga poshtë-lartë me kujdes që të mos shfryhet veza.
Hapi 4Kur masa të jetë bërë krem mund ta bashkojmë me panën. Në këtë mënyrë përgatisim kremin e tiramisù-së.
Hapi 5Marrim 4 gota dhe vendosim pak krem poshtë. Biskotën e lyejmë me kafen Nescafe, e vendosim sipër kremit të tiramisù-së dhe shtojmë pak kakao të situr. Vendosim sërish krem sipër dhe biskotë tjetër të zbutur me kafe.
Hapi 6Përsërisim të njëjtin hap dhe më pas i vendosim në frigorifer për 1 orë që të mpiksen. Pas 1 ore mund t’i shërbejmë dhe shijojmë.
