Receta e vezëve të rrahura me salmon të tymosur është një alternativë fantastike dhe ushqyese me proteina për vaktin e mëngjesit. Ato janë gjithashtu fantastike si antipastë, të lehta përpara vakteve dhe burim energjie për ditët e ngarkuara.
Përbërësit
100 gr salmon i tymosur
5 kokrra vezë
5 lugë gjelle qumësht
4 feta buke të thekur
2 lugë gjelle vaj ulliri
Kripë
Piper
Majdanoz
Pak gjalpë
Udhëzimet
Hapi 1Në një enë vendosim vezët, qumështin, kripën, piperin dhe majdanozin. I përziejmë, që të krijohet një masë kremoze dhe e plotë. Ndërkohë vendosim vaj ulliri në një tigan në zjarr.
Hapi 2Shtojmë në tigan vezët e rrahura dhe i përziejmë vazhdimisht, në mënyrë që mos të thahen tërësisht duke i lënë pak më shumë se ç’duhet që të jenë të lëngshme.
Hapi 3Vezët e rrahura i hapim në fetat e bukës së thekur dhe vendosim sipër salmonin e tymosur, duke e shoqëruar me pak majdanoz dhe vaj ulliri.
