Revistawho.com do të sjellë çdo javë receta të ndryshme gatimi nga shefi më i njohur i guzhinës, Renato Mekolli. Njihuni me dy recetat e radhës.
Kec i pjekur me patate dhe patëllxhanë
1kg Mish Keci (mundësisht kofshë)
100 g djathë i bardhë
600 g patate
200 g patëllxhanë
Kripë
Piper
Rigon i freskët ose i tharë
Vaj ulliri
Presim mishin në 4 pjesë (përkundër fijeve të muskulit). I japim mishit një zierje të shpejtë me pak ujë për 15 minuta. Presim patatet në 6 pjesë, i shtrojmë në një tavë, në të cian shtojmë edhe mishin, patëllxhanët, erëzat, vajin dhe kripën. E pjekim në temperaturë 180 gradë për 40 minuta dhe në 10 minutat e fundit, vendosim edhe djathin e bardhë të thërrmuar.
Mus (mousse) çokollate
200 g cokollatë 70%
150 g qumësht
1 lugë gjelle mjaltë
1 bishtajë vaniljeje
1 agrume (mandarinë, portokall, limë, grejpfrut, limon).
Në fillim ziejmë në një tenxhere qumështin, mjaltin, vaniljen dhe lëkurën e mandarinës (agrumes) të kaluar në rende. Copëtojmë çokollatën dhe shtojmë ashtu të nxehtë qumështin, i përziejmë mirë dhe i kalojmë në multi, që masa të bëhet kremoze. E vendosim musin në forma, e lëmë të ftohet dhe e fusim në frigorifer. Pas një ore është gati për t’u shërbyer.
