Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Lëng pule
2 litra ujë
Gjysmë pule
2 karota
1 presh
1 domate
1 qepë e thatë
1 gjethe dafine
2 kërcej selinoje
4 thelpinj hudhre(nëse dëshironi).
Vëmë pulën në një tenxhere dhe më pas shtojmë perimet e lara dhe erëzat. Në fund shtojmë ujin. E lëmë lëngun të ziejë për 2 orë, fillimisht në temperaturë të lartë. Më pas ulim temperaturën dhe largojmë herë pas here shkumën që krijohet. Në fund e kullojmë.
Gjellë me mish viçi dhe panxhar
300 g mish viçi( tul)
2 kokrra panxhar
1 rrepë
1 domate
Gjysmë lugë pelte domateje
Gjysmë speci i kuq
1 spec djegës
Pak lakër e grirë hollë
1 kërcell selinoje
1 karotë e vogël
1 qepë e mesme
1 patate
2 thelpinj hudhre
Kripë
Piper
Vaj ulliri
Presim perimet në kube të vogla dhe mishin në kube të mëdha. Në një tenxhere, ku kemi hedhur vajin e ullirit, skuqin mishin. E mbulojmë mishin e skuqur me 1 litër ujë. Pas 30 minutash vendosim në tenxhere të gjitha produktet, bashkë me kripën dhe piperin, përveç majdanozit (erëzat gjithmonë i vendosim ne fund). E lëmë të ziejë gjellën në zjarr të ngadaltë, derisa të ketë marrë shijen që duhet.
