Shishqebap me pulë dhe perime
3 fileto pule
1 lugë mustardë
1 lugë çaji kos
3 speca (sipas dëshirës)
1 qepë
100 ml vaj ulliri
1 tufë majdanoz
Pak kripë
Pak piper
Pasi kemi pastruar fileton e pulës e presim atë në kube të mëdha dhe i vendosim në një enë. Lajmë mirë perimet dhe fillojmë t’i presim specat në kube të mëdha, qepën në rripa, erëzat të grira hollë. I vendosim të gjithë përbërësit në një enë, i lëmë aty të marinohen për 30 minuta dhe më pas i vendosim njëra mbi tjetrën në shufrat përkatëse për shishqebap. I pjekim në tigan skare, derisa të marrin një ngjyrë të bukur nga të gjitha anët.
Salca e fshatarit
400 g domate-qershi
50 g kaperi
10 g djathë i bardhë
Gjysmë patëllxhani
Gjysmë kungulli jeshil
Gjysmë speci jeshil
1 qepë e njomë
Gjysmë qepe e thatë
2 kërpudha
3 ullinj jeshil pa bërthamë
3 ullinj të zinj pa bërthamë
4 thelpinj hudhre
Gjysmë kërcelli selino
Gjysmë tufe borzilok
50 ml vaj ulliri
Gjysmë luge kafeje rigon
Gjysmë luge piper i kuq i ëmbël
Kripë
Piper i zi
Lajmë dhe presim në rripa perimet: kungullin, patëllxhanin, specin, domaten (në kube), hudhrat (në feta) dhe borzilokun presim hollë. Në një tenxhere vendosim vajin e ullirit, qepën, hudhrat. Më pas shtojmë specat, patëllxhanin, kërpudhat dhe vazhdojmë t’i skuqim edhe për pak minuta. Në vazhdim shtojmë domatet, rigonin, kripën, piperin, kaperin, ullinjtë, ujë (nëse duhet), borzilokun dhe e lëmë salcën të ziejë edhe për 3-4 minuta.
