Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Bukë e zezë
Përbërësit:
700 gr miell i bardhë
300 gr miell i zi
50 gr maja
4 lugë vaj ulliri
100 gr fara luledielli
100 gr fara kungulli
Një lugë kripë
Gjysmë lugë sheqer
Përgatitja:
I hedhim të gjithë përbërësit në mikser. I përziejmë për 10 minuta, e vendosim në formën e bukës dhe e lëmë të fryhet për 1 orë e 10 minuta. E pjekim për 40 minuta në 180 gradë.
Supë me brokoli
Përbërësit:
Lëng pule ose lëng perimesh
300 gr brokoli
2 qepë të njoma
1 qepë e thatë
2 thelpinj hudhre
1 limon
2 lugë kos
Një tufë borzilok
50 gr gjalpë
100 ml vaj ulliri
Kripë
Piper
Përgatitja:
Grijmë bronkolit në kube, qepët dhe hudhrat e pastruara, grijmë shumë imët borzilokun dhe shtrydhim limonin. Në një tenxhere hedhim pak vaj ullirit dhe shtojmë qepët dhe hudhrat. I kaurdisim për pak minuta dhe sa pa marrë ngjyrë hedhim bronkolit. I lëmë për pak minuta dhe më pas shtojmë lëngun e pulës të ngrohtë si dhe kripën dhe piperin. E lëmë supën të ziejë derisa të ketë marrë shije dhe të jetë lidhur mirë. Në 10 minutat e fundit hedhim edhe borzilokun, lëngun e limonit, kosin, gjalpin dhe në fund e kalojmë në multi./revistawho.com
