Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Supë me kungull dimri
Përbërësit:
Lëng pule
300 gr kungull dimri
100 gr gjalpë
4 lugë kos
1 limon
1 qepë
Arrë moskat
Kripë
Piper
Përgatitja:
Qërojmë dhe presim kungullin në kube të mëdha dhe qepën në kube të vogla. I hedhim në një tenxhere me gjalpin dhe e mbyllim tenxheren me kapak në mënyrë që kungulli të nxjerrë të gjitha lëngjet e tij. Kur e shohim që është zbutur shtojmë edhe lëngun e pulës, kosin, kalojmë në rende pak arrë moskat, kripën, piperin dhe e lëmë të ziejë për 45 minuta. Ashtu të ngrohtë e kalojmë supën në multi dhe në fund shtojmë lëngun e limonit në sasinë që dëshirojmë.
Vaj me disa lloj erëzash
Përbërësit:
1 litër vaj ulliri
10 thelpinj hudhre
4 speca djegës
4 kërcej trumze dhe rozmarinë
4 gjethe dafine
50 gr lloje piperesh
Përgatitja:
I vendosim të gjithë përbërësit së bashku në një tenxhere dhe i lëmë në zjarr me temperaturë të ulët për 15 minuta. Më pas heqim tenxheren nga zjarri, e lëmë të ftohet për 1 ditë në temperaturë dhome. Ditën tjetër e vendosim në një shishe.
Vajin e përgatitur mund ta përdorim pas 1 jave./revistawho.com
