Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Supë me perime dhe makarona
Përbërësit:
1 litër lëng mishi ose perimesh
50 g makarona
50 g mashurka
1 karotë
1 patate e vogël
1 domate
1 qepë e njomë
Gjysmë speci djegës
Gjysmë speci jeshil
Gjysmë tufe borzilok
1 kërcell selinoje
100 ml vaj ulliri
Kripë
Piper
Përgatitja: I lajmë dhe i grijmë perimet në kube ose në rripa për së gjati. I vendosim në tenxhere bashkë me lëngun e mishit, kripën, piperin dhe vajin e ullirit. E lëmë supën në zjarr te ngadaltë dhe sapo të marrë valë shtojmë makaronat. E lëmë të ziejë për 40 minuta. Erëzat i shtojmë 10 minutat e fundit
Bukë me hudhra dhe majdanoz
Përbërësit:
500 g miell i bardhë
1 lugë vaj ulliri
25 g maja
150 g djathë kaçkavall
200 ml ujë
1 thelb hudhër
Gjysmë tufe majdanoz
Përgatitja: I vëmë të gjithë përbërësit në mikser. I përziejmë për 7 minuta në shpejtësi mesatare dhe më pas lëmë brumin të fryhet për 30 minuta. E punojmë përsëri për pak minuta dhe e vendosim në kallëpin e bukës duke i bërë disa prerje diagonale. E lëmë të fryhet për 30 minuta dhe e pjekim në furrë në 180 gradë për 40 minuta. /revistawho.com
