Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Buke me çokollatë
Përbërësit:
330 gr miell për bukë
200 gr brumë i thartuar
250 ml ujë i vakët
200 gr stafidhe
80 gr çokollatë
8 gr kripë
20 gr kakao
Përgatitja:
Përziejmë së bashku çokollatën, miellin dhe stafidhet. E vendosim këtë masë në mikser bashkë me pjesën tjetër të përbërësve. I përziejmë për 7 minuta me shpejtësi të mesme dhe e lëmë aty të qetësohet për 15 minuta. Më pas e përziejmë përsëri për 3 minuta. E vëmë në një enë dhe e lëmë të fryhet. Pas një ore e punojmë me duar dhe i japim formën bukës. E pjekim për 40 minuta në 200 gradë dhe sigurohemi që buka të jetë pjekur mirë brenda dhe ka marrë ngjyrë të bukur jashtë.
Supë aziatike
Përbërësit:
100 gr makarona orizi
50 ml salcë soje
100 gr lakër e bardhë
50 gr brokoli
Gjysmë karotë
100 gr brokoli
Gjysmë speci i kuq
1 spec djegës
1 qepë e njomë
1 thelb hudhër
50 ml vaj ulliri
Përgatitja:
I pastrojmë perimet dhe i presim në rripa për së gjati. I vendosim në një tenxhere së bashku me ujin, salcën e sojës, vajin e ullirit dhe i lëmë të ziejnë në zjarr për 15 minuta. Duke llogaritur kohën, vendosim makaronat e orizit në një enë me ujë të ftohtë për 5 minuta. Pastaj i hedhim ato në enën ku po ziejmë perimet dhe vazhdojmë i ziejmë për 15 minuta të tjera.
Për më shumë receta klikoni në www.renatomekolli.com/ revistawho.com
