Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Supë me gështenja
500 gr gështenja
1 litër e gjysmë lëng pule
100 gr gjalpë
1 limon
1 lugë kos
1 qepë
3 thelpinj hudhra
1 shkop kanellë
Kripë dhe piper
Gështenjat para se t’i fusim në ujë ju bëjmë nga një prerje në lëkurë. I fusim në tenxhere me ujë të ftohtë dhe i vëmë të ziejnë. Pasi janë zier i qërojmë menjëherë pasi kur ftohen është më e vështirë. Në një tenxhere tjetër vëmë gjalpin, qepën, hudhrat më pas gështenjat dhe i trazojmë për disa minuta në zjarr të ngadaltë. Më pas shtojmë lëngun e pulës, të cilin e kemi ngrohur më parë, lëngun e limonit, kripën, piperin, kanellën dhe kosin. Ziejmë supën dhe më pas e kalojmë në multi.
Sallatë me domate të thara
Për salcën:
200 gr domate të thara
2 thelpinj hudhre
Gjysmë qepe
1 tufë kopër
1 tufë majdanoz
50 ml uthull Balsamike
100 ml vaj ulliri
Kripë dhe piper
Për sallatën:
1 qese sallatë
Gjethe (sallatë jeshile, valeriana, radikio, rukola, spinaq)
100 gr djathë i bardhë i butë.
Përgatitja e salcës:
I përziejmë të gjithë përbërësit e salcës në grirës elektronik dhe e lëmë salcën mënjanë, derisa të përgatitet e gjithë sallata.
Përgatitja e sallatës:
Sallatë e njomë me gjethe përgatitet gjithmonë në momentin e fundit, pak para përdorimit. I lajmë ato me ujë të rrjedhshëm, i lëmë të kullojnë dhe i presim më dorë. Këto i përziejmë në një enë së bashku me salcën e përgatitur më parë. Në fund i vendosim në pjatën që do t’i shërbejmë dhe i shoqërojmë me djathin e bardhë./revistawho.com
