Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Qofte me salcë domateje
500 gr mish i grirë viçi
1 vezë
500 gr domate
1 qepë të vogël
1 spec i kuq
1 spec jeshil
2 thelpinj hudhre
1 tufë majdanoz
Pak sheqer
Kripë
Piper
Rigon
Vaj Ulliri
Presim në kube domatet, specat, qepën dhe hudhrat i grijmë hollë. Në një tenxhere vendosim qepën, hudhrat, specat dhe i skuqim për disa minuta në një tigan me vaj ulliri. E heqim tenxheren nga zjarri dhe e lëmë të ziejë. Në një enë tjetër i përziejmë mirë të gjitha produktet (përveç domates dhe sheqerit), derisa të bëhet një masë si brumë. Marrim pak nga brumi i qoftes dhe ju japim formë të rrumbullakët. U japim atyre një skuqje të lehtë në tiganin ku kemi skuqur qepën dhe i lëmë të marrin ngjyrë nga jashtë, por pa i pjekur brenda. I heqim nga tigani dhe i lëmë mënjanë. Në po atë tigan vendosim domate, kripë, piper, pak sheqer, pak ujë ose lëng perimesh. E lëmë salcën të lidhet mirë dhe vendosim qoftet.
Kos me lajthi, avokado dhe mjaltë
600 gr kos
1 avokado
2 lugë mjaltë
1 banane
1 mollë jeshile
100 gr drithëra
1 lugë arra
1 lugë lajthi
1 lugë kafeje kanellë
Presim të gjitha frutat në kube ( avokadon, bananen, mollën jeshile). I vendosim në një enë bashkë me kosin, mjaltin, kanellën, arrat, lajthitë, drithërat dhe i trazojmë lehtë. Më pas i vendosim në enën ku do të shërbehet./revistawho.com
