Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Salmon i pjekur me spinaq dhe salcë kosi
Përbërësit:
800 gr fileto salmoni
1 kg spinaq
100 gr salcë kosi
1 thelb hudhre
Gjysmë tufe kopër
Vaj ulliri
Kripë
Piper
Lajmë spinaqin duke i hequr pjesën e bishtit. Skuqim salmonin dhe ndërkohë përgatisim salcën e kosit. Vendosim në një enë salcën e kosit së bashku me kripën, vajin e ullirit dhe koprën e grirë hollë. Skuqim salmonin dhe në të njëjtën enë hedhim spinaqin duke e kaurdisur. Në pjatë vendosim fillimisht spinaqin, sipër tij salmonin dhe rreth e rrotull salcën e kosit.
Sallatë me dardha dhe pulë
Përbërësit:
4 fileto pule
50 gr parmixhano
1 qepë e njomë
2 dardha
Gjysmë limoni
Pak kanellë
Kripë
Piper
Vaj ulliri
1 lugë kafeje mustardë
1 portokall
Marinojmë pulën me kripë, piper dhe vaj ulliri dhe më pas e skuqim derisa të marrë ngjyrë kafe të hapur. Duhet pasur parasysh që fileton nuk duhet ta gatuani me zjarr të lartë. Më pas fileton e presim me feta. Po ashtu në feta presim edhe parmixhanon, dardhën, qepën dhe portokallin. I vendosim përbërësit në një enë dhe i gatuajmë me kujdes./revistawho.com
