Nëse i ndiqni telenovelat indiane, tashmë duhet ta dini që një nga ushqimet të cilat konsumohen shumë janë golgapat. Golgapat në shqip mund t’i quajmë petulla, por që kërkojnë një mënyrë tjetër gatimi. Ato mund konsumohen me ushqime pikante ose të ëmbla. Përbërësit që ju duhen janë: 1 tas me semolina (semolina është miell të cilin mund ta gjeni në markete, ndryshe quhet irmik), 2 lugë miell, sodë buke dhe vaj.
Përgatitja:
1.Merrni semolinën, sodën e bukës, pak kripë (1 gram) dhe përziejini në një enë.
2.Hidhni ujë në sasi të vogla derisa të bëhet brumë
3.Mbështilleni brumin me një leckë dhe lëreni për 20 deri 25 minuta.
4.Më pas hiqeni leckën dhe punojeni brumin derisa të bëhet i lëmuar.
5.Ndajeni brumin në 4 pjesë dhe formoni topa të vegjël me duar.
6.Më pas hapeni brumin dhe formoni rrethore si në foto.
7.Nxehni vajin në një tigan dhe filloni të hidhni rrethoret një nga një, por jo të gjitha përnjëherë. Lërini në vaj derisa të bëhen krokante. Më pas vendosini mbi një pecetë që të përthithë vajin. Në fund konsumojini me mjaltë ose reçel./revistawho.com
