Rekord i ri ‘Guinness’, 92 orë para ekranit të televizionit

Pesë të rinj austrianë kanë shënuar rekord të ri në shikim të televizionit – 92 orë pa ndërprerje. Këtë njoftim e bënë për opinionin organizatorët e garës “Maratona në divan”, në një qendër shtetërore të Vjenës. “Nuk ishte e lehtë”, tha Moritz Arnold, organizatori kryesor i këtij manifestimi. Ai tha se këtë rekord i ka njohur menjëherë Libri i rekordeve i Guinnessit. Të përzgjedhurit ndër 400, pesë të rinj nga mosha 19 deri 24 vjeç kanë pasur të drejtë pauze nga pesë minuta në çdo orë, kohë që e kanë shfrytëzuar për të bërë dush ose për tualet. Garuesi kanë pasur në dispozicion biçikletat e dhomës për të mbetur të zgjuar si dhe kafe dhe pije energjetike sipas zgjedhjes së vet. Rekordi i mëparshëm për shikim pa ndërprerje të televizionit ishte shënuar në dhjetor të vitit 2014, kur një ekip të rinjsh në Toronto kishte kaluar para ekranit të vogël 91 orë.