Të gjithë biem dakort për faktin se Vera Grabocka, Adi Krasta, Pali Kuke, etj janë të parët që me kontributin dhe punën i kanë dhënë shumë nga vetja e tyre Televizionit Publik Shqiptar.
Andaj sot në mbrëmje këta personazhe të njohur kanë darkuar sëbashku në restorantin më “in” në kryeqytet, “Umami” të chef Renato Mekollit.
Burime pranë revistawho.com bëjnë me dije se ata kanë darkuar në ambientin “Prive” të restorantit, veçmas klientëve të zakonshëm.
Për arredimin e sallës ishte kujdesur Alketa Vejsiu, e cila nuk mund të mos e kuronte këtë darkë të mikeshës së saj të zemrës, Vera Grabocka.
Po të njëjtat burime tregojnë se miqtë e vjetër kanë kujtuar plot nostalgji programet dhe emisionet, që mbajnë vulën e tyre.
Ata kanë folur gjithashtu edhe për televizionet më të mëdha dhe të ndjekura të momentit siç janë Tv Klan dhe Top Channel.
Chef Renato është kujdesur si gjithnjë për ushqimin që i ka servirur të ftuarve të tij specialë. Revistawho.com ka mësuar se gatimet që ata kanë konsumuar, kanë qenë kryesisht me bazë peshku.
Gjithçka duket se ka shkuar në perfeksion, pasi kjo foto flet më shumë se mijëra fjalë. /revistawho.com
