Renato Mekolli, shefi më i famshëm në Shqipëri është shpallur sonte mbrëma fitues i spektaklit “Dance With Me”. Pas javësh të tëra konkurrim, Renato Mekolli dhe partnerja e tij – aktorja, këngëtarja dhe regjisorja Laura Nezha u kurorëzuan me kupën e artë. Ky vit ka qenë vërtet i mbarë për shefin e kapeleve të arta. Publikoi librin e tij të parë me receta kuzhine, që rezultoi një bestseller – po hap restorantin që të gjithë mezi po e presin, nënshkroi një kontratë si imazh i një firme të njohur dhe sonte u kurorëzua si fitues në një terren që ishte i pa shkelur prej tij. Sigurisht meritë për këtë ka Laura dhe të gjithë balerinët që i shoqëruan në performancat e tyre. Urime çiftit!
