Shefi i njohur, Renato Mekolli promovoi të hënën librin e tij më të ri me receta gatimi. Këtë herë gjithçka i dedikohet pastave dhe gatimit perfekt të tyre. Një libër i punuar me dashuri, ku do të gjeni të gjitha sekretet për të përgatitur pasta të shijshme, për veten dhe të dashurit tuaj. Ditën e sotme Mekolli ka lajmëruar se libri është në shitje në ‘Panairin e Librit’, madje vetë shefi i kuzhinës do të jetë aty për të takuar të gjithë ata që e duan. “Të dashur miq, sot dhe çdo ditë të Panairit të Librit Nëntor 2018, do të jem i pranishëm me dy librat e mi “Sekretet e Shijes” dhe “50 Shijet e Pastave”, në stendën e Shtëpisë Botuese Dudaj. Ju mirëpres dhe ju falenderoj që më ndiqni! Për të gjithë ju që më pyesni se sa kushton libri “50 Shijet e Pastave” është vetëm 700 Lekë”,-ka zbuluar Renato.
Kujtojmë se më herët shefi i suksesshëm ka botuar edhe librin me receta që mban emrin “Sekretet e Shijes”./revistawho.com
