Pak ditë më parë u diskutua së tepërmi skeçi që Gaz Paja bëri në ‘Portokalli’ duke imituar Renato Mekollin në programin e ri “Hell’s Kitchen”. Shefi i njohur i kuzhinës përveçse e komplimentoi aktorin e humorit për imitimin i ofroi me shaka që t’i zinte vendin për ta ndihmuar që të largojë paksa ngarkesën që ka. Siç duket kjo gjë është realizuar deri diku. Gazi ka publikuar pak orë më parë një foto krah konkurrentëve te mbetur të programit të gatimit.
Sigurisht një koment plot humor, i tipit ‘Renato Mekolli’ nuk mungoi. Mos ka nisur vërtetë punën për ta ndihmuar?/revistawho.com
