Renato Mekolli rikthehet në ekranin e “TV Klan”, ja ku mund ta shihni

Renato Mekolli u bë një nga personazhet më të dashur për shqiptarët, gjatë kohës kur ishte “Master Chef” në “Top Channel” e më vonë gjatë pjesëmarrjes në “Dance With Me” në “Tv Klan”, ku u shpall edhe fitues. E duke e ditur simpatinë e madhe të shqiptarëve për të, shefi më i famshëm shqiptar nuk ka ndërmend t’i largohet ekranit. Pasi nisi me sukses të madh aktivitetin e tij privat, restorantin “Umami”, Mekolli ka gjetur kohë për të bërë dhe pak televizion. Renaton mund ta shihni tanimë gjatë ditëve tuaja të pushimit për një muaj, në rubrikën “Për drekë me mua” në programin e Ardit Gjebreas, “E diela shqiptare”. Këtë e ka njoftuar vetë mastershefi në rrjetet sociale. Ai ka ndarë një pozë ku shihet në restorantin e tij ulur pranë dy zonjave të famshme të medias, Dalina Buzi e Valbona Selimllari si dhe portierit të njohur Alban Hoxha. “Nga restorant “Umami”, “Për drekë me mua”. Takohemi çdo të dielë bashkë në “E diela Shqiptare” Tv Klan, Ora 14:30”, ka shkruar ai për pjesëmarrjen në rubrikën e drejtuar nga Blerina Bombaj. / revistawho.com