Pak kohë më parë u përfol se shefi më i njohur i kuzhinës, Renato Mekolli do të niste sërish një emision televiziv. Vetë Renato në intervista ka treguar se ishte në diskutim e sipër me dy televizionet më të mëdha në vend, ‘Top Channel’ dhe ‘Klan’. Ndërsa një fotografi e publikuar sot nga shefi në ‘Instagram’ pranë zyrave të ‘Top Channel’ ka ngritur dyshime se ai mund të rikthehej sërish në këtë televizion.
I kontaktuar nga ‘Revista Class’, Renato ka thënë se është ende në diskutime shumë të mira me ‘Top Channel’, por gjithçka tjetër do ta tregojë kur të vijë momenti i duhur. Më tej ai ka shtuar se rikthimi i tij në ekran do të jetë vetëm me një spektakël të madh gatimi. /revistawho.com
