Një moment i veçantë në jetën e këngëtarit Renis Gjoka është ndarë me ndjekësit në rrjetet sociale, ku artisti ka zbuluar se është bërë baba për herë të tretë.
Ai ka publikuar një foto prekëse në Instagram, ku shfaqen tre fëmijët e tij: foshnja e sapolindur e mbajtur në krahë nga dy motrat më të mëdha. Me këtë imazh plot dashuri, Renisi ka shoqëruar edhe një mesazh të ndjerë, i cili i ka emocionuar ndjekësit:
“Mirë se erdhe, shoku im i vogël, në këtë udhëtim përmes dritës dhe hijes. Do jem këtu për të të ndihmuar të ecësh nëpër të gjitha sfidat. Zoti të bekoftë.”
Postimi është pritur me komente të shumta urimi dhe dashurie nga miq, kolegë dhe fansa të artistit, të cilët e kanë përgëzuar për këtë bekim të ri në familje.
