Këngëtari i njohur Renis Gjoka e ka quajtur absurd aktin normativ që ndalon muziken pas orës 20:00. Në një intervistë për “News 24”, ai tha se po gjejnë mundësitë për të kënduar e për të mos mbyllur aktivitetin e tyre, një ndër zgjidhjet është edhe të kenduarit ‘live’ në drekë.
“Ne sot jemi duke u bërë gati për të kënduar në orët e drekës jo si zakonisht, por kundër ligjit nuk dlalim dot. Kërkojmë të shihet edhe një herë ligji, të sqarohet mirë, nuk ka ende sot një përgjigje të saktë pse muzika është ndaluar pas orës 20:00” tha Gjoka, ndërsa kërkoi nga kryeministri të shohë edhe autobusët urbanë apo zyrat e shtetit.
“Të gjithë e shohim shumë mirë cfarë ndodh në autobusë, zyra shteti. Jemi artistë, jemi koshientë që këtu ka një problem shumë të madh, virusi është nëpër këmbë, nuk jemi kundër masave, kërkojmë që aktiviteti të vijojë brenda marrjes së masave. Mesa di unë hiq 2-3 raste, të gjithë kanë qenë kundrejt masave nga qeveria. Nuk arrij ta shpjegoj pse ky akt normativ. Kur u mbyll Shqipëria nuk kishte pakënqësi kaq të madhe, sepse u mbyllën të gjithë, halli ishte si do rimbursohemi etj. Tani është një rast selektiv. Saradelet që përmend kryeministri janë në autobus dhe nuk janë fare në lokale. Inspektorët ndaj janë të dalin në terren të shohin po merren apo jo masat. Nuk mund të mbyllen të gjithë për 2-3 lokale që nuk zbatojnë masat. Kjo është të luash me populizmin, t’i biesh shkurt muhabetit, dhe nuk duan t’ja dinë fare që këtu është një zinxhir i gjatë që prek mijëra njerëz”, vijoi më tej këngëtari.
Kur u pyet për humbjet, këngëtari u përgjigj kështu: “Unë jam koshient, nuk jemi injorant, e dimë mirë, jetojmë me situatën. Po nuk është ky rasti, sepse kur u bë mbyllja e madhe nuk doli ndonjë artist kundër. Tani shtohen rastet, hapet transporti publik. Sa i përket të ardhurave, janë të pallogaritshme, kemi 4 muaj pushim. Pastaj nuk është vetëm halli I verës, ne nuk na lejohet të këndojmë në ambjente të hapura. Teorikisht jemi të mbyllur deri në majin tjetër”.
