Reperi i njohur Don Phenom, i cili njihet për stilin e tij të drejtpërdrejtë dhe karakterin pa filtra, ka habitur publikun me deklaratën e fundit për “Big Brother VIP”. I ftuar në emisionin “Pardon My French” në Top Albania Radio, ai ka folur me humor, por edhe me sinqeritet, për mundësinë që një ditë të bëhet pjesë e spektaklit.
“Në Big Brother mund të futem vetëm nëse është formati që të burgosin. A e dini që është një format i Big Brother-it në botë që të burgosin? Vetëm ashtu mund të futem.” – është shprehur ai, duke bërë që studioja të shpërthejë në të qeshura.
Don Phenom e ka sqaruar më tej se nuk do të kishte durimin për tensionet që krijohen brenda shtëpisë. “Sepse është talent nervash, nuk e di a kam edhe aq talent të duroj. Nuk do toleroj se do më vijë në majë të hundës. Aty është kush mund të jetë më i zoti që të mos shpërthejë. Unë debatet i kisha përballuar por ofendimet jo.”
Ai shton se ka “pika shumë delikate”, sidomos kur përfshihet familja, dhe për këtë arsye preferon të mbetet spektator nga jashtë:
“Më mirë po rri kështu. Po bëj tifozin nga larg. Formati është i bukur dhe në qoftë se do të ishte ai formati i burgut brenda do të ishte perfekt për mua.”
Me humorin që e karakterizon, reperi i dërgoi edhe një “mesazh” organizatorëve:
“Kështu që drejtora ju lutem futeni burgun brenda, vendoseni opsionin e tillë dhe Doni futet direkt. Atëherë ne e shohim se sa nerva kanë…”
