Reperi shqiptar me famë ndërkombëtare, Gashi, ka ditur gjithmonë t’i habisë të gjithë jo vetëm me sukseset e tij, por dhe gjërat pikante të cilat zgjedh të thotë herë pas here. Së fundmi 29-vjeçari ka publikuar në llogarinë e tij në ‘Twitter’, një status i cili i ka habitur dhe i ka bërë të qeshin njëherazi të gjithë.
“Nuk do t’i përqafoj me fanset të cilat vendosin shumë grim, sepse ju të gjitha me keni prishur xhaketat e mia ‘Prada’ disa herë”,- ka shkruar Gashi në postimin e tij më të fundit, ku nuk kanë munguar reagimet e ndryshme nga ndjekësit e reperit. Padyshim që kjo deklaratë e bërë nuk mund të kalonte pa u vënë re, ashtu si çdo veprim tjetër i mëparshëm i tij.
Kujtojmë se pak kohë më parë Gashi bëri të ditur në llogarinë e tij se kjo verë do t’i sjellë suksesin maksimal me këngët që pritet të publikojë, sa të gjithë do të flasin për të. Disa muaj më parë ai solli dhe bashkëpunimin me reperin shqiptar, Ledri Vula, me titull ‘That’s mine’, e cila u pëlqye shumë dhe u kthye në hit menjëherë, ndërsa vetëm 3 ditë ditë më parë, publikoi këngën më të fundit me titull ‘Roses’, e cila numëron 300 mijë klikime deri më tani në kanalin e ‘Youtube’./revistawho.com
