Ai është një tjetër krenari shqiptare që me talentin e tij po shkëlqen në arenën ndërkombëtare. Bëhet fjalë për G4shin, i cili po korr një sukses të madh me projektet e tij muzikore të publikuara së fundmi.
Deklarata e bërë së fundmi nga ai, në rrjetet sociale, na bën akoma më krenarë. G4shi ka postuar një fotografi ku shihet duke punuar në studion e regjistrimit për projektet e reja muzikore. “Ndërkohë që ju të gjithë jeni duke parë “Grammys”, unë jam në studio duke punuar për ta fituar një çmim të tillë”, ka shkruar bashkangjitur postimit të tij reperi me origjinë shqiptare, i cili ka vendosur që karrierën e tij të zhvillojë në Amerikë./TopAlbaniaRadio
