Vitet e fundit Gashi ka arritur një sukses të jashtëzakonshëm falë punës së tij dhe dedikimit për muzikën. Artisti me origjinë shqiptare ka publikuar së fundmi disa këngë, të cilat janë pritur mjaft mirë dhe janë bërë të njohura në mbarë botën. “My year” është kënga e cila i ka sjellë më shumë sukses, madje edhe nga revistat botërore renditet si një ndër këngët më të dëgjuara. Sot Gashi ka publikuar në ‘Instagram’ një video, në të cilën shfaqet duke qarë. Ai ka treguar se revista “GQ” ka publikuar një listë me këngët më të mira të vitit dhe kënga e tij është renditur në vendin e katërt.
https://www.instagram.com/p/ByTIKZ9ldgO/
Gashi është shprehur shumë i lumtur, sepse më në fund ka arritur të bëhet i njohur. “Po qaj sepse unë asnjëherë nuk jam njohur për muzikën time… ‘My year’ duhet të kishte arritur më shumë…shpresoj që kur të vdes ju të gjithë të dëgjoni këngën time për Vitin e Ri çdo vit”, ka shkruar Gashi bashkangjitur videos. Së fundmi reperi ka nisur një turne në disa vende të Amerikës dhe ka publikuar videoklipin e këngës “My year”. /revistawho.com
